2021-12-29 14:49:14, 714 ნახვა

---

ირაკლი კობახიძე სააკაშვილზე – პატიმარს კვლავ სურს დარჩეს იქ, სადაც არ ეკუთვნის ყოფნა, ეს არ უნდა დაუშვას სახელმწიფომ

მიხეილ სააკაშვილს უნდა, რომ იყოს დისკრიმინაციული მოპყრობის მსხვერპლი და იყოს უკეთეს მდგომარეობაში, ვიდრე სხვა პატიმრები, ეს არის დისკრიმინაცია და უთანასწორო მოპყრობა, – ამის შესახებ საპარალამენტო უმრავლესობის ერთ–ერთმა ლიდერმა, ირაკლი კობახიძემ განაცხადა.

კობახიძის თქმით, როდესაც პატიმარს კვლავ სურს იქ დარჩენა, სადაც არ ეკუთვნის, ეს არის დისკრიმინაციული მიდგომა, რომელიც სახელმწიფომ არ უნდა დაუშვას.

„მიხეილ სააკაშვილს უნდა, რომ იყოს დისკრიმინაციული მოპყრობის მსხვერპლი, უნდა, რომ იყოს უკეთეს მდგომარეობაში, ვიდრე სხვა პატიმრები. ეს არის ჩვეულებრივი დისკრიმინაცია და უთანასწორო მოპყრობა, მაგრამ ეს ასე არ უნდა იყოს. ბუნებრივია, ნებისმიერ პატიმარს უნდა ჰქონდეს ერთი და იგივე მოპყრობა სახელმწიფოს მხრიდან და არავინ უნდა იყოს განსაკუთრებულად პრივილეგირებული. როდესაც არსებობს კონკრეტული დასკვნა იმასთან დაკავშირებით, რომ ე.წ. რეფიდინგი, ანუ შიმშილობის შემდგომი მკურნალობა დასრულდა ორი კვირის წინ და პატიმარს კვლავ სურს დარჩეს იქ, სადაც მას არ ეკუთვნის ყოფნა, ეს არის დისკრიმინაციული მიდგომა და ეს არ უნდა დაუშვას სახელმწიფომ. სახელმწიფოს მიდგომა იქნება ისეთი, რომელიც დაეფუძნება თანასწორობის პრინციპს“, – განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი