2021-12-26 14:45:00, 1748 ნახვა
სამართალი
სასამართლოს გადაწყვეტილებით, ფოთის ყოფილ მერს 8-წლიანი პატიმრობა მიესაჯა
ზუგდიდის რაიონული სასამართლოს გადაწყვეტილებით, ფოთის ყოფილ მერს, ირაკლი კაკულიას 8 წლიანი პატიმრობა მიესაჯა. პროცესი ონლაინ რეჟიმში ჩატარდა და გადაწყვეტილება მოსამართლე შალვა ბიჭიამ მიიღო.
სასამართლომ ირაკლი კაკულიასთან ერთად პატიმრობა სხვა თანამდებობის პირებსაც მიუსაჯა. დაცვის მხარე გადაწყვეტილების გასაჩივრებას გეგმავს.
ცნობისთვის, ფოთის ყოფილი მერი და კიდევ რამდენიმე თანამდებობის პირი ფინანსთა სამინისტროს საგამოძიებო სამსახურმა 2019 წლის 8 ნოემბერს დააკავა.
მათ ბრალად ედებათ უკანონო მისაკუთრების მიზნით დიდი ოდენობით სახელმწიფო ქონების თაღლითურად დაუფლებაში დახმარება, სახელმწიფო ქონების გაფლანგვა, განსაკუთრებით დიდი ოდენობით ქრთამის აღება, სამსახურებრივი უფლებამოსილების ბოროტად გამოყენება, სამსახურებრივი გულგრილობა და ყალბი საანგარიშსწორებო დოკუმენტის დამზადება-გამოყენება.
ავტორი: ექსპრესნიუსი,
epn.ge (@expressnews.ge)
