რუსეთში, სერპუხოვის დედათა მონასტრის ტერიტორიაზე თვითნაკეთი ასაფეთქებელი მოწყობილობა აფეთქდა. აფეთქება სამრევლო მართლმადიდებლური გიმნაზიის შესასვლელთან მოხდა. ინფორმაციას რუსული მედია ავრცელებს.

რუსეთის შინაგან საქმეთა სამინისტროში აცხადებენ, რომ აფეთქება გიზმნაზიის 18 წლის კურსდამთავრებულმა მოაწყო.

რუსული მედია ქვეყნის საგანგებო სიტუაციების სამსახურზე დაყრდნობით წერს, რომ შემთხვევის შედეგად 7 ადამიანი დაშავდა. „ინტერფაქსის“ ინფორმაციით, გიმნაზიაზე თავდამსხმელი გარდაიცვალა.

მომხდართან დაკავშირებით, რუსულ მედიასთან პორტალ OKA.FM-ის მთავარმა რედაქტორმა, დმიტრი სტაროვეროვმა ისაუბრა. სტაროვეროვმა განაცხადა, რომ აფეთქება მოხდა დილის რვა საათზე, გაკვეთილების დაწყებამდე, ლოცვის დროს, რომელიც გიმნაზიის ფოიეში გაიმართა. 

„ის ვერ შევიდა დარბაზში, სადაც ლოცულობდნენ და კარს მიღმა აფეთქება მოახდინა. გიმნაზიაში მითხრეს, რომ ნამსხრევებით 15 წლის მოზარდი დაიჭრა და კიდევ რამდენიმე ბავშვი ნაკლებად დაშავდა. შენობა შემოსაზღვრულია, ადგილზე იმყოფებიან მაშველები და სასწრაფო დახმარების ბრიგადა. მასწავლებლებს ჯერ არ დაუსახელებიათ თავდამსხმელის ვინაობა“, - აღნიშნა ჟურნალისტმა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა