ცეცხლსასროლი იარაღი, რომლითაც მსახიობმა ალეკ ბოლდუინმა გაისროლა, ცარიელი უნდა ყოფილიყო. - სასამართლო ჩვენების ნაწილს “სიენენი” ავრცელებს. 

იარაღი, რომლითაც გასროლა მოხდა, მსახიობს რეჟისორის თანაშემწემ გადასცა, რომელმაც თქვა, რომ იარაღი უსაფრთხოა. 

დეივ ხოლლსმა არ იცოდა, რომ ვინტში იყო საბრძოლო ტყვია ჩადებული. იარაღის მიწოდებამდე, მან უთხრა მსახიობს “ცივი იარაღი” რაც ნიშნავს რომ პისტოლეტი უსაფრთხოა.

ამასთან, „ბიბისიმ“ მოიპოვა ტრაგედიის მომენტში გადასაღებ მოედანზე მყოფი ადამიანების ნუსხა, რომელშიც აღნიშნულია იმ პირის ვინაობაც, რომელსაც იარაღის უსაფრთხოების შემოწმება ევალებოდა. ტელეკომპანიის ცნობით, ის 20 წლისაა და ამ პოზიციაზე პირველად მოუწია მუშაობა.

მსახიობმა ალეკ ბოლდუინმა წერილი გაავრცელა, სადაც წერია, რომ სიტყვები არ ჰყოფნის ტრაგიკული შემთხვევის გამო მწუხარების გადმოსაცემად, რომელსაც ჰალინა ჰატჩინსის სიცოცხლე ემსხვერპლა.

“არ მაქვს სიტყვები, გადმოვცე ჩემი შოკი და მწუხარება. ტრაგედიამ რომელმაც წაგვართვა, გალინა ჰატინსის კარგი მეგობრის, მეუღლის და დედის სიცოცხლე. მე ვთანამშრომლობ გამოძიებასთან, რათა დადგინდეს როგორ მოხდა ეს ტრაგედია. მაქვს კავშირი გალინას მეუღლესთან, რომლებსაც ჩემ მხარდაჭერას ვთავაზობ. ყველას გული აქვს გატეხილი ვისაც გალინა უყვარდა, პირველ რიგში მის მეუღლეს და ვაჟს” - წერია, მსახიობის განცხადებაში.

შეგახსენებთ, 20 ოქტომბერს ნიუ მექსიკოს შტატში გადასაღებ მოედანზე ცნობილმა მსახიობმა ალეკ ბოლდუინმა სარეკვიზიტო იარაღით გაისროლა, რასაც ფილმის ოპერატორის, 42 წლის ჰალინა ჰატჩინსის სიცოცხლე ემსხვერპლა, კინოსურათის რეჟისორი ჯოელ სოუზა კი დაიჭრა, რომელიც მოგვიანებით საავადმყოფოდან გაწერეს.

ინციდენტთან დაკავშირებით განცხადება გააკეთა თეთრი სახლის პრესსპიკერმაც, რომელმაც მომხდარს ტრაგედია უწოდა.

ავტორი: ექსპრესნიუსი,

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება