Pfizer-ის ვაქცინა თითქმის 91%-ით ეფექტურია 5-დან 11 წლამდე ასაკის ბავშვებში სიმპტომური ინფექციების პრევენციისთვის. - ამის შესახებ აშშ-ის სურსათისა და წამლის ადმინისტრაციის (FDA) მეცნიერები აცხადებენ.

მათივე ცნობით, კვლევის მიხედვით 5-11 წლის ასაკის ბავშვებში მიოკარდიტის სიხშირე უფრო დაბალია, ვიდრე 12-დან 15 წლამდე ასაკის ვაქცინირებულ ბავშვებში დაფიქსირდა, რაც ნაწილობრივ განპირობებულია იმით, რომ 11 წლის ასაკის ბავშვები ვაქცინის უფრო მცირე დოზით აცრეს.

კვლევაში მონაწილეობდა 2,268 ბავშვი ამ ასაკობრივ ჯგუფში, რომლებმაც მიიღეს ორი დოზა სამი კვირის განმავლობაში. თითოეული დოზა იყო მოზარდებისა და მოზრდილებისთვის მიცემული დოზის მესამედი -10 მიკროგრამი. მათი თქმით, მცირე დოზა სპეციალურად შეირჩა, რათა მინიმუმამდე ყოფილიყო დაყვანილი გვერდითი მოვლენების გამოწვევის რისკი.

ამასთან, თეთრმა სახლმა 5-დან 11 წლამდე ბავშვების „ფაიზერის“ ვაქცინით აცრის გეგმა რამდენიმე დღის წინ წარადგინა.

ამ დრომდე აშშ-ში სრულად ვაქცინირებულია 190 მილიონი ადამიანი, აქედან 11 მილიონი - 12-დან 17 წლამდე ასაკის მოზარდია, რომელიც „ფაიზერითაა“ აცრილი.

ავტორი: ექსპრესნიუსი,

სოციალური ქსელები

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა