პრემიერი-მინისტრი ირაკლი ღარიბაშვილი კორპუსის ჩამონგრევის გამო, ბათუმში გაემგზავრება, - აღნიშნულის შესახებ მან სოციალურ ქსელში დაწერა.

ამასთანავე, პრემიერი წერს, რომ ადგილზე იმყოფებიან სამინისტროს შესაბამისი დანაყოფები, ბათუმში ასევე მიემგზავრება შინაგან საქმეთა მინისტრი, ვახტანგ გომელაური.

„ბათუმში მომხდარ ფაქტთან დაკავშირებით ადგილზე მობილიზებულია ყველა შესაბამისი სამსახური, როგორც შინაგან საქმეთა სამინისტროს დანაყოფები, ასევე ადგილობრივი ხელისუფლება და მერიის სამსახურები. აქტიურად მიმდინარეობს სამაშველო ღონისძიებები დაშავებულების ნანგრევებიდან უმოკლეს დროში ამოყვანის მიზნით. ყველა დაშავებულს და დაზარალებულს სახელმწიფო გაუწევს შესაბამის დახმარებას. შინაგან საქმეთა სამინისტრომ უკვე დაიწყო გამოძიება, რომელიც მომხდარის მიზეზებს აუცილებლად დაადგენს. ბათუმში უკვე გაემგზავრა შინაგან საქმეთა მინისტრი და პირადად მე დღესვე გავემგზავრები და ადგილზე გავეცნობი ვითარებას“, - წერს ირაკლი ღარიბაშვილი.

ცნობისთვის, დღეს ბათუმში, 26 მაისის ქუჩაზე 5-სართულიანი საცხოვრებელი კორპუსის სადარბაზო ჩამოინგრა. 

ავტორი: ექსპრესნიუსი,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times