საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციისა და დაავადებათა კონტროლისა და საზოგადოებრივი ჯანმრთელობის ეროვნული ცენტრის ინიციატივით ტურიზმის ინდუსტრიის წარმომადგენელთათვის კოვიდ პანდემიასა და ვაქცინაციასთან დაკავშირებულ საკითხებზე ონლაინ კონფერენცია გაიმართა.

სექტორის წარმომადგენლებთან შეხვედრაზე ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა ხაზი გაუსვა ტურიზმის სექტორის ვაქცინაციის აუცილებლობას და აღნიშნა, რომ ვაქცინაცია ხელს შეუწყობს ტურიზმის ინდუსტრიის სწრაფ და ეფექტურ აღდგენას. 

ონლაინ შეხვედრაზე ტურიზმის სფეროს წარმომადგენლების შეკითხვებს გლობალური და საზოგადოებრივი ჯანმრთელობის ექსპერტი, დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მრჩეველი ნათია სხვიტარიძე პასუხობდა.

„დღეს ჩვენ გვაქვს მოცემულობა, როდესაც ტურიზმის ინდუსტრიის სწრაფი და ეფექტური აღდგენისთვის უმნიშვნელოვანესია სექტორში დასაქმებულთა ვაქცინაცია. ჩვენ აქტიურად ვმუშაობთ ამ კუთხით, რომ სფეროს წარმომადგენლებს მივაწოდოთ ინფორმაცია ვაქცინაციის მნიშვნელობის შესახებ, აღნიშნულ საკითხში ჩვენი პარტნიორია დაავადებათა კონტროლისა და საზოგადოებრივი ჯანმრთელობის ეროვნული ცენტრი, რომლის დახმარებითაც ჩვენ ვაგრძელებთ შეხვედრების ციკლს კერძო სექტორთან."-განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.

ავტორი: NS (სტატია დაფინანსებულია),

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა