საქართველოში ამერიკის შეერთებული შტატები ელჩი კელი დეგნანი 5 ივლისს ქვეყანაში განითარებულ ძალადობრივ მოვლენებს გამოეხმაურა და აღნიშნა, რომ ეს იყო იმედგაცრუების დღე.

როგორც აშშ-ის ელჩი აღნიშნავს, ძალადობრივი თავდასხმა მშვიდობიანი მოქალაქეებისა და ჟურნალისტების წინააღმდეგ არანაირ სიტუაციაში არ არის მისაღები.

მისივე თქმით, საქართველომ, რომელიც ცნობილია ადამიანის უფლებთა დაცვით და ტოლერანტობით, უკან გადადგა ნაბიჯი ღირებულებების მიმართ.

„ეს იყო ძალიან სამწუხარო საქართველოსთვის. აშშ მჭიდროდ თანამშრომლობს სამართალდამცველ ორგანოებთან, რათა გააუმჯობესოს მათი შესაძლებლობები და იმედგაცრუებული ვართ, რომ მიღებული ცოდნა და აღჭურვილობა, როდესაც ცხადი გახდა, რომ ძალადობის გამოწვევა სურდათ, არ იქნა გამოყენებული.

მე დარწმუნებული ვარ, რომ ქართველების უმრავლესობა არ ემხრობა ძალადობას არანაირ სიტუაციაში, მითუმეტეს, ძალადობრივ თავდასხმაში მშვიდობიანი მოქალაქეების წინააღმდგეგ, ჟურნალისტების მიმართ, რომლებიც საკუთარ საქმიანობას ასრულებენ. ამიტომ ვფიქრობ, რომ ეს იყო იმედგაცრუების დღე. ბევრისთვის გასაკვირი იყო, რომ ქვეყანამ, რომელიც ცნობილია ადამიანის უფლებათა დაცვითა და ტოლერანტობით, უკან გადადგა ნაბიჯი ამ ღირებულებების მიმართ“, - განაცხადა კელი დეგნანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა