„პროგრამა „აწარმოე საქართველოში" ფარგლებში  სესხის თანადაფინანსებით, საკრედიტო-საგარანტიო სქემით და გრანტით წავახალისებთ აგროტურიზმს და ეკოტურიზმს", - განაცხადა ეკონომიკისა და მდგრადი განვითარების მინისტრმა საქართველოს ეკონომიკური განვითარების 10-წლიანი გეგმის პრეზენტაციაზე.

მინისტრის განცხადებით, ეს იქნება კომპლექსური დახმარება ფერმერისთვის, რომელსაც აქვს თუნდაც მცირე ფერმერული მეურნეობა და გადაწყვეტს, რომ მცირე სასტუმრო, რესტორანი, კაფე ან სხვა ტურისტული ობიექტი განავითაროს პარალელურად.

„ახლა, პოსტპანდემიურ პერიოდში ღია სივრცეში ტურისტული პროდუქტები და ადგილები უფრო  მოთხოვნადი იქნება და ეს არის ის პროგრამა, რომელიც რეგიონებში გაიშლება", - აღნიშნა ნათია თურნავამ.

ნათია თურნავას ინფორმაციით, აგრო და ეკოტურიზმის სექტორს სახელმწიფო პერსონალის ტრენინგსა და ინფოტურების მოწყობაშიც დაეხმარება, რაც ნიშნავს მსოფლიოს სხვადასხვა ქვეყნიდან ბლოგერების და ინფლუენსერების ჩამოყვანას, რათა მათ გაიტანონ ინფორმაცია ჩვენი ტურისტული ღირშესანიშნაობების შესახებ ჩვენი ქვეყნის ფარგლებს გარეთ.

ავტორი: NS (სტატია დაფინანსებულია),

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში