2021-05-27 17:18:49, 836 ნახვა
საზოგადოება
პაატა იმნაძე - კლინიკებს უკვე შეუძლიათ, გასცენ ორჯერადად აცრის ცნობა, ეს COVID-პასპორტის პირველი ეტაპია
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, სამედიცინო დაწესებულებები კორონავირუსის საწინააღმდეგო ვაქცინით ორჯერადად აცრილი მოქალაქეებისთვის აცრილთა ცნობას გასცემენ.
მისი თქმით, ეს იქნება კოვიდპასპორტის პირველი ეტაპი.
„თუ მგზავრობისთვის ან რაიმე სხვა მიზნებისთვის გჭირდებათ ცნობა, რომ ხართ ორჯერადად აცრილი, ამცრელ დაწესებულებებს უკვე შეუძლიათ ამ ცნობის ამოღება. იქ, სადაც ვაქცინის მეორე დოზას გაიკეთებთ, როდესაც აცრას დაარეგისტრირებენ, მათ უკვე შეუძლიათ, მოგცენ არა მარტო აცრების ბარათი, არამედ ორჯერადად აცრის ცნობა, რომელსაც ამოიღებენ კომპიუტერიდან QR კოდით. ეს არის, ასე ვთქვათ, კოვიდპასპორტის პირველი ეტაპი“, - განაცხადა პაატა იმნაძემ.
ავტორი: ექსპრესნიუსი,
epn.ge (@expressnews.ge)
