„მინდა, ჩვენი გუნდის სახელით დაგპირდეთ, ყველაფერს გავაკეთებთ, რომ შეგიქმნათ ყველა შესაბამისი პირობა იმისათვის, რომ სამშობლოს ღირსეულად ემსახუროთ,“ – ასე მიმართა იუსტიციის მინისტრმა წვევამდელებს, რომლებიც დღეს სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს რიგებს შეუერთდნენ. რატი ბრეგაძემ ახალწვეულებთან ერთად სამხედრო ფიცის დადება მათ მშობლებსაც მიულოცა და აღნიშნა, რომ თავადაც წილად ხვდა, იყოს სამხედრო მოსამსახურის მამა.

ფიცის დადების ცერემონიას იუსტიციის მინისტრთან ერთად თავდაცვის ძალების მეთაური გიორგი მათიაშვილი დაესწრო, რაც, თავის მხრივ, უპრეცედენტო შემთხვევაა. დღესვე ცნობილი გახდა, რომ იუსტიციისა და თავდაცვის სამინისტროებს შორის თანამშრომლობა კიდევ უფრო მჭიდრო გახდება. წვევამდელებს შესაძლებლობა ექნებათ, ერთი წლის განმავლობაში ინტენსიურად მოინახულონ სამხედრო ბაზები, გაეცნონ ჯარისკაცების მომზადების ტაქტიკას და, ასევე, მიიღონ ინფორმაცია თავდაცვის აკადემიის სასწავლო პროგრამების შესახებ.

მინისტრმა განმარტა, რომ მომავალი თვიდან გარე დაცვისა და ინფორმაციულ-ტექნიკური უსაფრთხოების მთავარი სამმართველოს თანამშრომლებს ყოველთვიური სარგო გაეზრდებათ.

ფიცის დადების ცერემონიაზე ახალწვეულებმა საქართველოს სახელმწიფო ჰიმნი შეასრულეს, რის შემდეგაც საქართველოს ტერიტორიული მთლიანობისათვის ბრძოლებში დაღუპულ გმირებს წუთიერი დუმილით პატივი მიაგეს.

ფიცის დადების ცერემონია რუსთავში სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ბაზაზე გაიმართა. სამხედრო ფიცი დღეს 18-მა წვევამდელმა დადო. 

ავტორი: NS (სტატია დაფინანსებულია),

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან