"საქართველოს პატრიოტთა ალიანსის" მიერ ორგანიზებული აქციის მონაწილეებმა, თბილისის პარლამენტის შენობასთან გადაინაცვლეს.

ამის შესახებ ადგილიდან „ექსპრესნიუსის“ კორესპონდენტი იუწყება.

აქციის მონაწილეების მთავარი მოთხოვნა სამართლიანობის აღდგენა და დამნაშავეების დასჯაა.

„პატრიოტთა ალიანსის“ გენერალური მდივნის, ირმა ინაშვილის თქმით, აქციის მთავარი მიზანია დროულად გაიხსნას ის გაუხსნელი საქმეები, რომელსაც პროკურატურა იძიებს.

„კარგად უნდა გავიაზროთ რა არის დემოკრატიული სახელმწიფო, დემოკრატიული ინსტიტუტები და რა როლი აქვს ოპოზიციას. ოპოზიციის როლია იყოს ხელისუფლების წინააღმდეგ, ყველა იმ საკითხში, რომელიც არასწორად არის წარმოდგენილი, რაც აწუხებს საზოგადოებას. ბიძინა ივანიშვილმაც აღნიშნა თავის ინტერვიუში, რომ საზოგადოება უნდა იყოს კრიტიკული და მეც ვეთანხმები. ეს აქცია პროტესტის გამოხატულებაა და იმიტომ უნდა ვიდგეთ ერთად, რომ ჩვენი შვილების მომავალი დავიცვათ“, - განაცხადა ირმა ინაშვილმა.

აქციაზე, რომელიც „საქართველოს პატრიოტთა ალიანსის“ ორგანიზებით იმართება, ათასობით ადამიანია შეკრებილი. მობილიზებულია საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი