2021-04-27 12:37:05, 2237 ნახვა
ომი უკრაინაში
18 წელს ზემოთ პირები ჩინური „სინოფარმით“ ვაქცინაციაზე რეგისტრაციის გავლას დღეიდან შეძლებენ
ჯანდაცვის მინისტრის, ეკატერინე ტიკარაძის განცხადებით, საქართველოში 18 წელს ზემოთ მყოფი პირები ჩინური „სინოფარმის“ ვაქცინით აცრასთან დაკავშირებით რეგისტრაციის გავლას დღეიდან შეძლებენ.
როგორც ეკატერინე ტიკარაძემ იმუნიზაციის საბჭოს დასრულების შემდეგ განაცხადა, არაერთი კვლევით დასტურდება, რომ ჩინური „სინოფარმის“ ვაქცინა 18-დან 60 წლამე მოქალაქეებისთვის უსაფრთხოა.
„გადაწყვეტილება იქნა მიღებული, რომ 18-წელს ზემოთ მყოფი მოქალაქეებისთვის გაიხსნება 8 საათზე პორტალი, სადაც მათ შეეძლებათ დარეგისტრირება ვაქცინაციისთვის. ამის საფუძველია არაერთი კვლევა, სადაც 18-დან 60 წლამდე მოქალაქეებისთვის „სინოფარმი“ უსაფრთხოა", - განაცხადა ეკატერინე ტიკარაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
