„იური ვაზაგაშვილის გარდაცვალების საქმის გამოძიებაში წინსვლაა“, - ამის შესახებ მთავარი პროკურორის პირველმა მოადგილემ ირაკლი შოთაძემ „იმედის“ ეთერში, გადაცემა "რეაქციაში" განაცახდა.

"ნებისმიერი დანაშაულის შემთხვევაში პროკურატურის ნებისმიერი თანამშრომლის იმედი არის, რომ საქმე გაიხსნება. ეს იმედი რომ არ იყოს, რომ ჩვენ გავხსნით ნებისმიერ მომხდარ დანაშაულს, პირდაპირ შემიძლია ვთქვა, რომ მე პირადად ამ სამსახურში და ამ თანამდებობაზე არ ვიმუშავებდი. შესაბამისად, რა თქმა უნდა, ამის იმედი გვაქვს და დღევანდელი პროკურატურა, საგამოძიებო ნაწილის დანაყოფი, რომლის წარმოებაშიც არის საქმე, ყველაფერს აკეთებს, 24 საათის განმავლობაში მუშაობს, რომ ეს საქმე გაიხსნას და ის პირები, ვინც ეს დანაშაული ჩაიდინა, დაისაჯონ", - განაცხადა შოთაძემ.

შოთაძის თქმით, ნებისმიერმა  გამომძიებელმა თუ პროკურორმა მის ხელთ არსებული საგამოძეიბო რესურსი, ტექნიკა და ტაქტიკა უნდა მიმართოს იმისკენ, რომ საქმე გაიხსნას. 

„რა თქმა უნდა, არსებობს ისეთი საქმეები, რომლებიც ვერ იხსნება გარკვეული ობიექტური გარემოებების გამო. არის ასეთი რაღაცეებიც, რომ საქმეები გაუხსნელი იყო. ვიცით ბევრი რეზონანსული საქმე. მე იმას ვგულისხმობდი, რომ ეს საქმე საწყის ეტაპზეა. მიმდინარეობს მთელი რიგი საგამოძიებო მოქმედებები და მე პირადად და იმ საგამოძიებო ჯგუფს, რომელიც ამ საქმის გამოძიებაშია ჩართული, დიდი იმედი გვაქვს, რომ ეს საქმე აუცილებლად გაიხსნება. მინდა საზოგადოება დავარწმუნო, რომ ჩვენ ამისთვის არაფერს დავიშურებთ",-აღნიშნა შოთაძემ.

შოთაძის თქმით,   11 დღის განმავლობაში გამომძიებელები არცერთი დღე  არ გაჩერებულან და საგამოძიებო მოქმედებები ტარდება.

 „ამ ეტაპზე მე დეტალურად არ შემიძლია იმაზე თუ რა არის საქმეში მოპოვებული და რა ვერსიებზე ვმუშაობთ.  ამ ეტაპზე ჩვენ რამდენიმე ვერსიაზე ვმუშაობთ. რა თქმა უნდა, საქმეში არის წინსვლა. 11 დღით ადრე გაცილებით ნაკლები ვიცოდით, ვიდრე დღეს ვიცით და ჩვენ ძალიან აქტიურად ვმუშაობთ ამ ვერსიებზე, თუმცა პირდაპირ გეტყვით, რომ ჩასატარებელია საკმაოდ ბევრი საგამოძიებო მოქმედება. ეს საქმე ცხელ კვალზე ვერ გაიხსნა. მკვლელი შემთხვევის ადგილიდან მიიმალა, შესაბამისად, აქ ჩასატარებელია მთელი რიგი ოპერატიულ-სამძებრო  საგამოძიებო მოქმედებები, რომლებიც ამ წამსაც გრძელდება.შესაბამისად  მე შემიძლია ვთქვა, რომ საქმე წინ არის წასული. არის ვერსიები, თუმცა  გამოძიების ინტერესებიდან გამომდინარე დეტალებს ვერ დავაკონკრეტებ“, - განაცხადა  შოთაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“