დღეს აჭარის მთავრობის სხდომა გაიმართა. სხდომის დაწყებისას თორნიკე რიჟვაძემ განცხადება გააკეთა ბათუმის ბულვართან დაკავშირებით. მისი თქმით ბულვარის განაშენიანების გეგმის საბოლოო დამტკიცებამდე, ძველი ბულვარის კულტურული მემკვიდრეობის ძეგლის საზღვრებში, ყველა სამშენებლო პროექტზე მორატორიუმი გამოცხადდება.

თორნიკე რიჟვაძემ აღნიშნა, რომ მიღებული გადაწყვეტილება  წერტილს დავუსვამთ ნებისმიერ შემდგომ სპეკულაციებს და კითხვებს ბათუმის ბულვართან დაკავშირებით.

,, ჩვენმა პოლიტიკურმა გუნდმა მიიღო გადაწყვეტილება, რომ ძველი ბულვარის ისტორიულ კულტურული ძეგლით გათვალისწინებულ ტერიტორიაზე განაშენიანების და კონსერვაციის გეგმის კანონმდებლობით წესით დამტკიცებამდე გამოცხადდეს სრული მორატორიუმი ნებისმიერ  ახალ სამშენებლო პროექტზე. ასევე მივიღეთ გადაწყვეტილება, რომ  ბათუმის ბულვარი სამართავად კანონმდებლობით დადგენილ ვადებში, უსწრაფესად  გადაეცეს ბათუმის მერიას. ეს ერთხელ და სამუდამოდ პასუხს გასცემს იმ კითხვებს, რომელიც შესაძლოა არსებობდეს ბათუმელებში, საზოგადოების გარკვეულ ნაწილში.  ასევე, ძალიან კარგად ვიცით თუ რა კონკრეტული ობიექტი რომელ დროს გასხვისდა და რა დროს არის კონკრეტული ვალდებულებები აღებული" - განაცხადა თორნიკე რიჟვაძემ

ქალაქის და საზოგადოების ინტერესის გათვალისწინებით, მიღებული იქნა გადაწყვეტილება, რომ  ბათუმის ბულვარი სამართავად გადაეცემა მუნიციპალიტეტს. უახლოეს პერიოდში დაიწყება გადაცემის პროცედურები.

ავტორი: NS (სტატია დაფინანსებულია),

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა