ჯანდაცვის მინისტრის მოადგილის, თამარ გაბუნიას ინფორმაციით, საქართველოში „ფაიზერის“ ვაქცინა, სავარაუდოდ, 22 მარტის კვირაში შემოვა.

როგორც მინისტრის მოადგილემ ჯანდაცვის სამინისტროში გამართულ ბრიფინგზე აღნიშნა, მოსალოდნელია, რომ „ასტრაზენეკას“ ვაქცინის პირველი ნაწილიც მარტის ბოლოს შემოვა ქვეყანაში.

„დღეს შედგა სატელეფონო კომუნიკაცია „ფაიზერის“ სათაო ოფისთან, ასევე „კოვაქსის“ წარმომადგენლებთან, ეს იყო შეხვედრა, რომელზეც მოგვეცა საშუალება, რომ დეტალურად გაგვევლო ყველა ეტაპი.წინასწარი ინფორმაციით, ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. ამასთანავე, გვაქვს სიახლეები, „ასტრაზენეკას“ ვაქინასთან დაკავშირებით, „იუნისეფმა“ მიიღო დასტური პირველი დოზების მოწოდებაზე და პირველი ნაწილი ჩამოვა მარტის ბოლომდე. ესეც მოსალოდნელია, რომ 22 მარტის კვირაში მოხდება“, - განაცხადა თამარ გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება