აშშ გადაუდებელი ჰუმანიტარული დახმარების გარდა, რუსეთისთვის ყველა სახის დახმარებას წყვეტს.

ამის შესახებ აშშ-ის სახელმწიფო დეპარტამენტის განცხადებაშია აღნიშნული.

რუსი ოპოზიციონერის, ალექსეი ნავალნის საქმეზე დაწესებული სანქციების ფარგლებში, აშშ-მა რუსეთი იმ ქვეყნების სიიდან ამოიღო, სადაც შეიარაღების გაყიდვა ან ექსპორტია შესაძლებელი.

ამასთან, როგორც სახელმწიფო დეპარტამენტის განცხადებაშია აღნიშნული, აშშ უარს ამბობს რუსეთისთვის კრედიტების, საკრედიტო გარანტიების ან სხვა სახის ფინანსური დახმარების გაცემაზე.

სანქციები ძალაში ერთი წლის განმავლობაში დარჩება და ისინი მხოლოდ მას შემდეგ მოიხსნება, რაც რუსეთი დაადასტურებს, რომ არ გამოიყენებს სასიკვდილო ქიმიურ ან ბიოლოგიურ იარაღს საკუთარი მოქალაქეების წინააღმდეგ. გარდა ამისა, რუსეთმა უნდა შეწყვიტოს მსგავსი იარაღის დამზადება.

შეგახსენებთ, რომ აშშ-ის სახაზინო დეპარტამენტმა იმ რუსი მაღალჩინოსნების სია გამოაქვეყნა, რომლებსაც ალექსეი ნავალნის საქმეზე სანქციები დაუწესდა.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"