საზოგადოებრივი მაუწყებლის  საინფორმაციო სამსახურის ახლადანიშნული უფროსი გიორგი გვიმრაძე „ექსპრესნიუსთან” საუბრისას ადასტურებს, რომ ჟურნალისტად არასდროს უმუშავია და აცხადებს, რომ უშიშროების საბჭოში ნამდვილად მუშაობდა. მისი თქმით, საბჭოში ირინა იმერლიშვილის პერიოდში იყო, სადაც უშიშროების საბჭოს მდივნის კონსულტატის თანამდებობას იკავებდა.

„ კი ბატონო ვადასტურებ, რომ ჟურნალისტად არ ვმუშაობდი. მად არაფერია დასამალი.  უშიშროების საბჭოს მდივნის კონსულტანტი ვიყავი, იმერლიშვილის დანიშვნის შემდეგ“ -განაცხადა გვიმრაძემ.

რაც შეეხება თანამშრომლების პროტესტს, პროდუსერად ლიკა ხურციძის წარდგენას და დანიშვნასთან დაკავშირებულ პრეტენზიებს, რომელსაც „ნაციონალური“ წარსული აქვს, ამ ფაქტს საინფორმაციოს უფროსი არ ადასტურებს.

„ არ ვადასტურებ, რადგან არავინ არსად არ დანიშნულა. დანიშვნები ჯერჯერობით არ განხორციელდება გარკვეული პერიოდი. ლაშა მიქაძე ასრულებს თავის მოვალეობას, ხელმძღვანელი ვარ მე და დამთავრებულია ეს საკითხი.

არ ვიცი რას აცხადებენ ჟურნალისტები. მაგაზე პასუხს არ გაგცემთ, ჩემთან ჟურნალისტებს პრეტენზია არ გამოუთქვამთ, თუ გამოთქვამენ, პასუხს როგორმე გავცემ“, - აღნიშნა გიორგი გვიმრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა