„ჩემი მინისტრობის პერიოდშიც იყო შეუთანხმებელი მონაკვეთები საზღვარზე“, - ამის შესახებ საქართველოს პრეზიდენტმა, სალომე ზურაბიშვილმა ტელეკომპანია „იმედის“ ეთერში განცხადა.

მან ასევე აღნიშნა, რომ სახელმწიფო იწყება და მთავრდება საზღვრებით და რომ არა საზღვრები, ეს სახელმწიფო სრულყოფილი არ არის.

„მე როცა ვიყავი მინისტრი, დავსვი კითხვა, ჩვენ რამდენი წელია, დამოუკიდებელი ქვეყნები ვართ, ძალიან კარგი ურთიერთობებით ბევრი მიმართულებით და ჯერ არ გვაქვს დასრულებული დელიმიტაცია - იყო შეუთანხმებელი მონაკვეთები საზღვარზე.

როცა დავბრუნდი, როგორც პრეზიდენტი, დამხვდა იგივე სიტუაცია - რომ შეუთანხმებელია, დელიმიტაცია არ არის და მე მიმაჩნია, რომ სახელმწიფო იწყება და მთავრდება საზღვრებით. რომ არა საზღვრები, ეს სახელმწიფო სრულყოფილი არ არის.

მე მიმაჩნია, რომ ეს არის ძალიან სერიოზული საკითხი, ამიტომ ჩვენს მეზობელ აზერბაიჯანში პირველივე ვიზიტის დროს დავსვი ეს საკითხი. პრეზიდენტის პასუხი იყო იგივე - დავასრულოთ, რაც დავიწყეთ 30 წლის წინო“,  - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

გიორგი ჩიკვაიძე მიხეილ სააკაშვილს პასუხობს

ურსულა ფონ დერ ლაიენი - რუსეთი მის მიერ დაწყებულ ომში მარცხდება

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია