კორონავირუსის საწინააღმდეგო ვაქცინით, პირველ ეტაპზე, რეანიმატოლოგები და სასწრაფოს ექიმები აიცრებიან

2021-02-03 14:54:18, 478 ნახვა

საზოგადოება

კორონავირუსის საწინააღმდეგო ვაქცინით, პირველ ეტაპზე, რეანიმატოლოგები და სასწრაფოს ექიმები აიცრებიან, - აღნიშნულის შესახებ ჯანდაცვის მინისტრმა, ეკატერინე ტიკარაძემ, ჟურნალისტებთან საუბრისას განაცხადა.

მინისტრი დარწმუნებულია, რომ საზოგადოების ყველა წევრი ითვალისწინებს, თუ რამდენად მნიშვნელოვანია ვაქცინა იმისთვის, რომ დავუბრუნდეთ ცხოვრების ჩვეულ რიტმს.

„მედიკოსებში გამოყოფილია მეტად მოწყვლადი და რისკის შემცველი ჯგუფები, პირველ რიგში აიცრებიან რეანიმატოლოგები და სასწრაფოს ექიმები, შემდეგ კი ის დანარჩენი ექიმები, რომლებიც შემხებლობაში არიან ინფიცირებულ ადამიანებთან ან გააჩნიათ გარკვეული რისკი. ეს ვაქცინაცია არის ნებაყოფლობითი, მაგრამ დარწმუნებული ვარ, რომ საზოგადოების ყველა წევრი ითვალისწინებს, თუ რამდენად მნიშვნელოვანია ვაქცინაცია იმისათვის, რომ ჩვენ დავუბრუნდეთ ჩვეულ ცხოვრების რიტმს“, - განაცხადა ჯანდაცვის მინისტრმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან