პროფკავშირების გაერთიანების წევრები საპროტესტო აქციას მართავენ.

აქცია ვარდების მოედანზე დაიწყო, შემდეგ კი, აქციის მონაწილეებმა მსვლელობით პარლამენტთან გადაინაცვლეს.

აქციის მონაწილეები შრომის ანაზღაურების მინიმუმის გაზრდას ითხოვენ.

როგორც აქციის ორგანიზატორი, პროფკავშირების გაერთიანების თავმჯდომარე ირაკლი პეტრიაშვილი აცხადებს, შრომის ინსპექცია მხოლოდ ქაღალდზე არ უნდა იყოს დაწერილი.

„დღეს უამრავ საწარმოში შრომის ღირსეული პირობები ნამდვილად არ გახლავთ. კატასტროფაა კაზრეთში და ზესტაფონში. დამოკიდებულება არაადექვატურია მასწავლებლებთან მიმართებაშიც. ამ ყველაფერს სჭირდება ჩვენი მობილიზება და თქმა იმისა, რომ შრომა იყოს ღირსეული. მხოლოდ ქაღალდზე არ უნდა იყო შრომის ინსპექცია დაწერილი და დასავლეთს თვალებში ნაცარს არ უნდა ვაყრიდეთ“, - განაცხადა პეტრიაშვიმლა.

ამასთან, იგი მინიმალური ხელფასის გაზრდის მოთხოვნითაც გამოვიდა. მისი თქმით, სახელმწიფო სახელფასო პოლიტიკის პირობებში ქვეყანაში უმუშევრობის შემწეობის სისტემა არ არსებობს.

„სიღარიბის ზღვარს მიღმა მყოფთა შემწეობა ოფიციალურ საარსებო მინიმუმზე ნაკლებია, ხოლო პენსია, მხოლოდ მიმდინარე თვეში გაუტოლდება საარსებო მინიმუმს“, - აღნიშნა პეტრიაშვილმა.

ადგილზე საპატრულო პოლიციაა მობილიზებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა