შსს-ს ინფორმაციით, ფეხბურთის ფედერაციის ყრილობის დელეგატი ნარკოტიკული საშუალების მოხმარების გამო დააკავეს

2015-10-03 10:18:15, 814 ნახვა

სამართალი

საქართველოს ფეხბურთის ფედერაციის საარჩევნო ყრილობის ერთ-ერთი დელეგატი გეგა გობეჯიშვილი დაკავებულია.

გობეჯიშვილი სამართალდაცველებმა გვიან ღამით დააკავეს.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, გობეჯიშვილი ადმინისტრაციულ სამართალდარღვევათა კოდექსის 45-ე მუხლით არის დაკავებული, რაც ნარკოტიკული საშუალების მოხმარებას გულისხმობს.

ცნობისთვის, საქართველოს ფეხბურთის ფედერაციის საპრეზიდენტო არჩევნები დღეს გაიმართება.

საარჩევნო ყრილობა 11:00 საათზე სასტუმრო „ჰოლიდეი ინ“ -ში დაიწყება.

ცნობისთვის არჩევნებში ხმას 35 დელეგეტი ფარული კენჭისყრით მისცემს.

ფეხბურთის ფედერაციის პრეზიდენტობისთვის კენჭს რევაზ არველაძე, ლევან კობიაშვილი და მამუკა კვარაცხელია იყრიან.

აქამდე აღნიშნული თანამდებობა ზვიად სიჭინავას ეკავა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან