დღეს მთავრობის ადმინისტრაციასთან პოლიტიკური პარტიები და სამოქალაქო აქტივისტები აქციას გამართავენ.

აქციას სახელად - „სოცაფეთქება“-ს უკვე შეუერთდა „გირჩი - მეტი თავისუფლების“ ლიდერი ზურა ჯაფარიძე, ელენე ხოშტარია,  „ერთიანი ნაციონალური მოძრაობის“ ერთ-ერთი ლიდერი ხატია დეკანოიძე, „სტრატეგია აღმაშენებელი“, „ლელო“.

აქციაზე მისვლას აპირებენ სამოქალაქო აქტივისტები და არასამთავრობო ორგანიზაციები.

აქციის ორგანიზატორები გააპროტესტებენ იმ აკრძალვებს, რომელიც განსაკუთრებულად ამძიმებს სოციალურ მდგომარეობას.

„სამოქალაქო საზოგადოების წარმომადგენლების აქცია აერთიანებს, ყველა იმ სეგმენტის პროტესტს, სადაც აკრძალვები განსაკუთრებით ამძიმებს სოციალურ მდგომარეობას და ლახავს ადამინთა უფლებებს.

აქციაზე კონსოლიდირებულად გაჟღერდება შეზღუდვების მოხსნა სხვადასხვა მიმართულებით:

ზამთრის კურორტებზე დაწესებული შეზღუდვების მოხსნის მოთხოვნა

სასწავლო პროცესის საკლასო ოთახებში გაგრძელების მოთხოვნა

ყველა შშმ პირს მიეცეს თავისუფლად გადაადგილების საშუალება და მოიხსნას, საჭიროების მიხედვით, ყველა შეზღუდვა

საზოაგდოებრივი და საქალაქთაშორისო ტრანსპორტის მუშაობის შეზღუდვის მოხსნა

სახელოვნებო სივრცეების ფუნქციონირების აღდგენის მოთხოვნა

კომენდანტის საათის შემსუბუქების მოთხოვნა და ა.შ.

თუ ამ ჩამონათვალში ვერ ნახავ, იმ სფეროს რომლის უსამართლოდ ჩაკეტვა თვეებია გრძელდება, ეს არ ნიშნავს რომ შენი ხმა არ გაჟღერდება აქციაზე

ვისაც უსამართლოდ მიგაჩნიათ ამგვარი შეზღუდვები, რომლებიც რეალურად კოვიდ-პანდემიის პრევენციას მინიმალურად ახდენს (მსოფლიო პრაქტიკიდან გამომდინარე)

შემოგივერთდი და დააფიქსირე შენი ხმა!“, - წერია განცხადებაში.

ავტორი: ექსპრესნიუსი,

სოციალური ქსელები

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს

ზარქუა ოქრიაშვილზე თავდასხმაზე: ცუდია, რაც მოხდა, მაგრამ არავის გაუტარებს ქართული საზოგადოება

23 ივლისის საღამოდან 24 ივლისის დილამდე საქართველოს უმეტეს ტერიტორიაზე დროგამოშვებით წვიმაა მოსალოდნელი

SJC: ოქრიაშვილზე თავდასხმა ოცნებისა და მისი მედიების მიერ დისკრედიტაციის კამპანიის შედეგია