სოზარ სუბარის განცხადებით, ომბუდსმენის განცხადება ციხეებში სუბკულტურის არსებობაზე, ტყუილია

2021-01-22 10:30:49, 613 ნახვა

კომენტარი

ყოფილი სახალხო დამცველი, სოზარ სუბარი ციხეებში სუბკულტურების არსებობის შესახებ ომბუდსმენის განცხადებას ეხმაურება.

როგორც სუბარი ამბობს, აღნიშნული განცხადება ტყუილია და ციხეებს ე.წ კანონიერი ქურდები არ აკონტროლებენ.

„როცა სახალხო დამცველი აკეთებს რაიმე ტიპის განცხადებას მას უნდა ჰქონდეს საბუთი. განსაკუთრებით, როცა ისეთ ბრალდებაზეა საუბარი, როგორიცაა სუბკულტურის, კანონიერი ქურდების თუ ვიღაც ავტორიტეტების მიერ გავლენები და მართვა ციხეების, ეს არის აბსოლუტური ტყუილი. თუ რომელიმე პატიმარი ლომჯარიას ან მის წარმომადგენელს შეურაცხყოფას აყენებს, ცუდ სიტყვებს ეძახის ეს ნიშნავს, რომ სახალხო დამცველში ისინი ვერ ხედავენ თავის უფლებების დამცველს. ეს არის ძალიან სერიოზული პრობლემა პირველ რიგში ამ ინსტიტუტისთვის მისი ავტორიტეტისთვის და შემდეგ ქვეყნისთვისაც“, - განაცხადა ლომჯარიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან