"მთავარია, „რუსთავი 2“-მა მაუწყებლობა გააგრძელოს",- ასე გამოეხმაურა საქართველოს იუსტიციის მინისტრი თეა წულუკიანი ტელეკომპანიის ირგვლივ განვითარებულ მოვლენებს.

მისივე თქმით, საჯარო რეესტრის ეროვნული სააგენტო საჯარო ფუნქციებს ახორციელებს და ისურვებდა, მისი როლი არავინ დააკნინოს.

„მთავარია, „რუსთავი2“-მა გააგრძელოს მაუწყებლობა, გააშუქოს ის სიახლეები, რაც ჩვენს ქვეყანაშია. რაც შეეხება საჯარო რეესტრს, ის არის საჯარო ფუნქციების განმახორციელებელი ინსტიტუტი და ვისურვებდი, რომ არც ერთმა, მათ შორის, მედიახელმძღვანელმა, არხის ხელმძღვანელმა, არ დააკნინოს მისი როლი. კერძო დავაზე კი,  ვისურვებდი,  მოსამართლემ რაც შეიძლება მალე დაასრულოს განხილვა“, - აღნიშნა თეა წულუკიანმა.

შეგახსენებთ,  „რუსთავი 2“-ის შემდეგ სასამართლომ მის მფლობელობაში მყოფი  კომპანია,  51 % წილის მფლობელი შპს „საქართველოც“ დააყადაღა. გენერალური დირექტორის ნიკა გვარამიას განცხადებით, "რუსთავი2" დღეს დახურვის წინაშეა ისე, როგორც არასდროს. გვარამია საზოგადოებას დახმრებას სთხოვს.  მითითებულ ანგარიშზე - : GE09TB1100000018467864 მოსახლეობას ტელეკომპანიის დასახმარებლად თანხის ჩარიცხვა შეუძლია.

ცნობისთვის, საჯარო რეესტრის ეროვნულმა სააგენტომ უარყო  ინფორმაცია, თითქოს  სააგენტოს არ მიუღია გადაწყვეტილება შპს "ტელეკომპანია საქართველოს" შესახებ.

როგორც სააგენტოში განმარტავენ, შპს ,,ტელეკომპანია საქართველოს“ საქმეზე გადაწყვეტილება მიღებულ იქნა კანონმდებლობის მოთხოვნათა დაცვით, რეგისტრაციის მოთხოვნით განცხადების წარმოდგენის დღესვე, 29 სექტემბერს (ხელმისაწვდომია სააგენტოს ოფიციალურ ვებგვერდზე www.napr.gov.ge).

მათივე ცნობით, გადაწყვეტილება მდგომარეობდა იმაში, რომ შპს "ტელეკომპანია საქართველოს" პარტნიორების კუთვნილი წილის გასხვისების რეგისტრაციის მოთხოვნას გააჩნდა სამართლებრივი ხარვეზი - შემძენი მხარის წარმომადგენელს მინიჭებული ჰქონდა შპს ,,ტელეკომპანია საქართველოს’’ საკუთრებაში არსებული წილების შეძენის უფლებამოსილება და არა - შპს ,,ტელეკომპანია საქართველოს’’კაპიტალში პარტნიორთა წილების შეძენის უფლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა