ოპოზიცია არასდროს ყოფილა ერთიანი, - ამის შესახებ საპარლამენტო უმრავლესობის წევრმა, კახა კუჭავამ განაცხადა, რითაც ხაზარაძე-ელისაშვილს შორის მომხდარ დაპირისპირებას გამოეხმაურა.

მისი თქმით, ოპოზიციაში არსებული უთანხმოება ძალიან კარგად ჩანს, რადგან მათი აზრები დღესაც გაყოფილია.

„ოპოზიცია, რაც არ უნდა ეჩვენებინათ თავი, ეს იქნებოდა „ფანჩატური“, თუ სხვა შეხვედრები, არასდროს არ ყოფილა ერთიანი, იყო კონკრეტული მიზნით შეკრებილი და ძალიან კარგად ჩანს უთანხმოება, მათ შორის, უკვე დღეს, როდესაც მათი აზრები იყოფა.

არ მიკვირს, რომ ზოგიერთი ოპოზიციის წარმომადგენელი არ ეთანხმება სხვების განცხადებებს, როდესაც ისინი ლანძღავენ და ცდილობენ მაქსიმალურად დაამცირონ ჩვენი პარტნიორი ქვეყნის წარმომადგენლები, ელჩები საქართველოში, ან პირდაპირ უტევენ ამ ქვეყნებს. რა თქმა უნდა, ბევრის უკმაყოფილება იქნება, რადგან მათი თანხმობის გარეშე კეთდება ასეთი განცხადებები“, - განაცხადა კახა კუჭავამ.

ცნობისთვის, გუშინ, 19 იანვარს „ღამის კურიერის“ ეთერში პარტია „ლელოს“ თავმჯდომარე მამუკა ხაზარაძე და „მოქალაქეების“ ლიდერი ალეკო ელისაშვილი ერთმანეთს სიტყვიერად დაუპირისპირდნენ.

ავტორი: ექსპრესნიუსი,

სოციალური ქსელები

The Telegraph: „მსურველთა კოალიცია“ შესაძლოა ლიდერის გარეშე დარჩეს

ტრამპმა განაცხადა, რომ აშშ-ს შეუძლია ირანზე დარტყმა ნებისმიერ მომენტში განახორციელოს

დრონებმა შეუტიეს ოკუპირებულ ყირიმს: აფეთქებებმა შეძრა ქერჩი, სიმფეროპოლი და ფეოდოსია

უკრაინის შეიარაღებულმა ძალებმა ვლადიმირის მახლობლად Wildberries-ის საწყობს დაარტყეს.