2021-01-15 12:00:00, 738 ნახვა
მსოფლიო
ინდონეზიაში მიწისძვრის შედეგად დაღუპულთა რიცხვი 34-მდე გაიზარდა
ინდონეზიაში მიწისძვრის შედეგად დაღუპულთა რიცხვი 34-მდე გაიზარდა.
ამის შესახებ ინფორმაციას „გარდიანი“ ავრცელებს.
გამოცემის ცნობით, მიწისძვრის შედეგად დაშავებულია ასობით ადამიანი და დანგრეულია საცხოვრებელი სახლები. ამასთან, დანგრეულია საავადმყოფოს შენობაც. მაშველები ნანგრევებში მოყოლილ ადამიანებს ამ დრომდე ეძებენ.
ყველაზე მეტი გარდაცვლილი ქალაქ მამუჯუშია, სადაც სტიქიას 26 ადამიანის სიცოცხლე ემსხვერპლა. დაზიანებულია მამუჯუს ადგილობრივი აეროპორტი და ჩამოშლილია ხიდები. მოსახლეობას ელექტროენერგია ამ დრომდე არ მიეწოდება.
შეგახსენებთ, რომ ინდონეზიაში 6.2 მაგნიტუდის სიმძლავრის მიწისძვრა დღეს დილით მოხდა.
ავტორი: ექსპრესნიუსი,
epn.ge (@expressnews.ge)
