ეს წინადადება იმდენად არასერიოზულია, რომ ოპოზიცია არც კი განიხილავს, - ასე ეხმაურება „ევროპული საქართველოს“ წევრი, გიორგი კანდელაკი პარტია „მოქალაქეების“ ლიდერის, ალეკო ელისაშვილის განცხადებას, რომლის თანახმად თუ „ქართული ოცნება“ მათ მოთხოვნებს ხელს მოაწერს, პარლამენტში შევლიან.

როგორც კანდელაკმა აღნიშნა, ალეკო ელისაშვილი დიდი ხანია შეერწყა „ქართულ ოცნებას“ და მათ სპიკერად იქცა.

„ეს წინადადება იმდენად არასერიოზულია, რაზეც ელისაშვილი საუბრობს, რომ ოპოზიცია მას არც კი განიხილავს. დღის წესრიგში დგას ან რიგგარეშე არჩევნების დანიშვნა, ან დანიშვნა პლებისციტისა, სადაც იქნება მკაფიოდ ჩამოყალიბებული კითხვა უნდა დაინიშნოს თუ არა რიგგარეშე არჩევნები. ეს დგას მხოლოდ და მხოლოდ დღის წესრიგში. ბატონი  ელისაშვილი უკვე დიდი ხანია შეერწყა „ქართულ ოცნებას“ ერთსულ და ერთხორც, „ქართული ოცნება“ მას იყენებს სპიკერად საკუთარი გზავნილების გახმოვანებისთვის“, - განაცხადა გიორგი კანდელაკმა.

ცნობისთვის, პარტია „მოქალაქეების“ ლიდერის, ალეკო ელისაშვილის განცხადებით, თუ „ქართული ოცნება“ ელჩების თანადასწრებით პოლიტპატიმრების გათავისუფლებას, საარჩევნო კანონმდებლობის ცვლილებას და ელექტრონული არჩევნების ჩატარებას დათანხმდება, მაშინ ის და ლევან იოსელიანი პარლამენტში შევლენ. აღნიშნულ საკითხზე ელისაშვილს ოპოზიციაში კონსულტაციების გამართვა სურს. 

ავტორი: ექსპრესნიუსი,

სოციალური ქსელები

მიხეილ სააკაშვილთან დაკავშირებით ნანუკა ჟორჟოლიანის გაყალბებული ციტატა ვრცელდება - მითების დეტექტორი

ბარამიძე – პრეზიდენტ სააკაშვილს თავისი სათქმელი აქვს და რასაც ჩათვლოს საჭიროდ, იმას იტყვის

შვებულებაში გაშვებულ ზარდიაშვილის მოადგილედ ნავთობისა და გაზის ტრანსპორტირების კომპანიის ყოფილი ხელმძღვანელი დანიშნეს

ზაფხულის ცხელ დღეებთან დაკავშირებით სპეციალისტები მოსახლეობას აფრთხილებენ