თბილისის მერიის ინფორმაციით, მიმდინარე წლის 29 იანვარს,  თბილისის მუნიციპალიტეტის მერიის მოხელეთა საკონკურსო - საატესტაციო კომისიის გასაუბრებაზე, თბილისის ზედამხედველობის საქალაქო სამსახურის მოქმედი თანამშრომელი, კონკურსანტი კახაბერ ბუსკივაძე  ფარულ ვიდეოგადაღებას აწარმოებდა.

როგორც უწყების მიერ გავრცელებულ განცხადებაშია ნათქვამი, კომისიის წევრებს აღნიშნულის თაობაზე ეჭვი მას შემდეგ გაუჩნდათ, რაც ბუსკივაძის მხრიდან ადგილი ჰქონდა არაადეკვატურ ქმედებებს.

"კერძოდ, კომისიის წევრთა განცხადებით,  გასაუბრების პროცესში კახაბერ ბუსკივაძე არ პასუხობდა დასმულ ცალკეულ შეკითხვებს, მოქმედებდა გამომწვევად და პროვოკაციულად.  გასაუბრების დასრულებისას, არაერთგზის თხოვნის მიუხედავად, მან არ დატოვა გასაუბრების ოთახი და დაჟინებით ითხოვდა, მისთვის დამატებით დაესვათ შეკითხვები. 

კომისიის წევრებს გაუჩნდათ საფუძვლიანი ეჭვი, რომ კახაბერ ბუსკივაძე  ფარულ გადაღებას აწარმოებდა მაჯის საათზე დამონტაჟებული  ვიდეოკამერის მეშვეობით.

კომისიის წევრთა გადაწყვეტილებით, გამოძახებული იქნა პატრული.

კახაბერ ბუსკივაძის ქმედების შედეგად,  საკონკურსო-საატესტაციო კომისიის მუშაობა ჩაიშალა, რის გამოც დარჩენილ კანდიდატურებთან გასაუბრება გადაიდო.

კომისიის წევრთა აზრით, კახაბერ ბუსკივაძის ქმედება მიზნად ისახავდა კომისიის მუშაობისთვის ხელის შეშლას.

ის, რომ აღნიშნული ინციდენტიდან უმოკლეს პერიოდში ნაციონალური მოძრაობის წევრები ადგილზე იყვნენ მობილიზებული, ცხადყოფს რომ ეს ქმედება მათ მიერ წინასწარ იყო დაგეგმილი",-ნათქვამია განცხადებაში.

მერია  სამართალდამცავ უწყებებს მიმართავს, დეტალურად შეისწავლონ აღნიშნული ფაქტი და მოახდინონ შესაბამისი რეაგირება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი