2020-12-15 12:50:09, 599 ნახვა

---

სალომე სამადაშვილი - გრიგოლ ვაშაძე „ნაციონალური მოძრაობისთვის“ დიდი დანაკლისია, თუმცა მისი გადაწყვეტილების მესმის

გრიგოლ ვაშაძე „ნაციონალური მოძრაობისთვის“ დიდი დანაკლისია, თუმცა მისი გადაწყვეტილების მესმის, - ასე ეხმაურება ენმ-ს ერთ-ერთი წევრი, სალომე სამადაშვილი პარტიის თავმჯდომარის, გრიგოლ ვაშაძის გადაწყვეტილებას.

„ვფიქრობ, გრიგოლ ვაშაძე დიდი დანაკლისია ენმ-სთვის, თუმცა მესმის მისი გადაწყვეტილების და წარმატებებს ვუსურვებ მას. ცხადია, ნებისმიერ პარტიას და ენმ არ არის გამონაკლისი, არჩევნების შემდეგ უწევს მსჯელობა სამომავლო სტრატეგიაზე. თუ ბატონი გრიგოლის გადაწყვეტილება ხელს შეუწყობს ამ მიმართულებით უფრო საფუძვლიანი მსჯელობის განვითარებას, კარგი იქნება პარტიისთვისაც და მათთვისაც, ვისაც ეს პარტია ეიმედება“, – წერს სალომე სამადაშვილი.

შეგახსენებთ, რომ „ნაციონალური მოძრაობის" თავმჯდომარემ, გრიგოლ ვაშაძემ პარტიის დატოვების გადაწყვეტილების შესახებ სოციალურ ქსელში დაწერა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი