2020-12-14 14:43:09, 589 ნახვა

---

გიორგი ვაშაძე - „ქართული ოცნების“ მხრიდან ბოდიშებთან დაკავშირებული წინაპირობები მოლაპარაკებას ხელს უშლის

„ქართული ოცნების“ მხრიდან ბოდიშებთან დაკავშირებული განცხადებები მოლაპარაკებას ხელს უშლის, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

ვაშაძე მოუწოდებს ყველას, რომ ნუ გადადგამენ ისეთ ნაბიჯს, რომელიც მოლაპარაკებას ჩიხში მეტად შეიყვანს.

„სიტუაცია ძალიან მძიმეა და აბსოლუტურად ყველას მოვუწოდებთ, რომ ნუ გადავდგამთ ისეთ ნაბიჯს და ნუ გავაკეთებთ ისეთ განცხადებებს, რომელიც მოლაპარაკებებს უფრო ჩიხში შეიყვანს. მოვუწოდებ როგორც „ქართულ ოცნებას“,  ასევე თითოეული ოპოზიციის მხარეს. ამ ეტაპზე, როგორც მე ვიცი, ყველა ოპოზიციური მხარე მზადაა მოლაპარაკებისთვის. წინაპირობების დაყენება ბოდიშებთან დაკავშირებით, რაც გვესმის „ქართული ოცნების“ მხრიდან, ვფიქრობ, რომ მოლაპარაკების პროცესს ხელს უშლის“, - განაცხადა გიორგი ვაშაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი