ჩვენი სურვილია, შეთანხმება შედგეს და კრიზისი განიმუხტოს, ოღონდ, ბურთი ხელისუფლების მხარესაა, - ამის შესახებ „ევროპული საქართველოს“ ლიდერმა, დავით ბაქრაძემ აშშ-ის ელჩის რეზიდენციაში ხელისუფლების წარმომადგენლებსა და ოპოზიციას შორის მოლაპარაკების მესამე რაუნდის დაწყებამდე ჟურნალისტებს განუცხადა.

მისი თქმით, ცესკოს თავმჯდომარის არჩევაში უმრავლესობასთან ერთად ოპოზიციაც უნდა იღებდეს მონაწილეობას.

„გადამწყვეტი მნიშვნელობა აქვს იმას, რომ ცესკოს თავმჯდომარის ნომინირება მოხდეს ობიექტური, ნეიტრალური და სანდო წყაროდან. ცესკოს თავმჯდომარის არჩევაში მონაწილეობას უნდა იღებდეს არამხოლოდ უმრავლესობა, არამედ ოპოზიციაც. ჩვენი სურვილია, რომ ეს პოზიციები დაახლოვდეს, შეთანხმება შედგეს და კრიზისი განიმუხტოს. ოღონდ, რა თქმა უნდა, ბურთი არის ხელისუფლების მხარეს“, - განაცხადა დავით ბაქრაძემ.

ცნობისთვის, აშშ-ის ელჩის რეზიდენციაში ხელისუფლების წარმომადგენლებსა და ოპოზიციას შორის მოლაპარაკების მესამე რაუნდი მიმდინარეობს.

ავტორი: ექსპრესნიუსი,

სოციალური ქსელები

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ

ზელენსკი პუტინს ფრონტის ხაზზე მოქმედების შეჩერებას და საჰაერო ზავის შეთანხმების გაფორმებას სთავაზობს