27 სექტემბერი სოხუმის დაცემის დღეა. აფხაზეთის ომის 22 წლისთავისადმი მიძღვნილი ღონისძიებების ფარგლებში, საქართველოს თავდაცვის მინისტრის მოადგილეებმა დავით ებრალიძემ და ანა დოლიძემ აფხაზეთის ომში დაღუპულ გმირთა მემორიალი გვირგვინით შეამკეს.

თავდაცვის სამინისტროს წარმომადგენლებმა ტერიტორიული მთლიანობისთვის დაღუპული გმირები დღეს კიდევ ერთხელ გაიხსენეს და მათ ხსოვნას წუთიერი დუმილით პატივი მიაგეს. გმირთა მოედანზე იმყოფებოდნენ ასევე, გენერალური შტაბის უფროსის მოადგილეები, ბრიგადის გენერალი ვლადიმერ ჩაჩიბაია, პოლკოვნიკი რომან ჯოხაძე და ეროვნული გვარდიის მეთაური, ბრიგადის გენერალი ლევან გამყრელიძე. 

„პირველ რიგში მინდა მივუსამძიმრო ყველა ოჯახს, რომელთა შვილები გმირულად დაიღუპნენ ამ დღეს. ტრაგიკულის გარდა ეს დღე კონკრეტული ადამიანების გმირობის დღე იყო. სახელმწიფო ყველანაირად ცდილობს გამოასწოროს არსებული მდგომარეობა. ეს არ არის მარტო თავდაცვის სამინისტროს ფუნქცია. ეს არის მთელი ერის მოვალეობა, რათა ერთობლივად ვიმუშაოთ და ნაბიჯ-ნაბიჯ მოვაგვაროთ პრობლემა,“ - განაცხადა თავდაცვის მინისტრის მოადგილემ დავით ებრალიძემ.

 მემორიალთან საზოგადოების წარმომადგენლები და დაღუპულთა ოჯახის წევრებიც იმყოფებოდნენ. სამხედრო დაპირისპირება აფხაზეთში 1992 წლის 14 აგვისტოს დაიწყო. ომი 13 თვეს და 13 დღეს გაგრძელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა