2020-11-27 10:39:37, 1256 ნახვა
მსოფლიო
ბრაზილიის პრეზიდენტი აცხადებს, რომ კორონავირუსის საწინააღმდეგო ვაქცინას არ გაიკეთებს
ბრაზილიის პრეზიდენტი ჯაირ ბოლსონარო აცხადებს, რომ კორონავირუსის საწინააღმდეგო ვაქცინას არ გაიკეთებს, - ამის შესახებ ინფორმაციას „როიტერსი“ ავრცელებს.
„ვაქცინის გაკეთებას არ ვაპირებ, ეს ჩემი უფლებაა“, - აღნიშნავს ბოლსონარო.
როგორც ბოლსონარომ განაცხადა, ბრაზილიის მოქალაქეებისთვის ვაქცინის გაკეთება სავალდებულო არ იქნება.
ბრაზილიის პრეზიდენტმა პირბადის ტარების ეფექტურობაზე ეჭვები გამჟღავნა და თქვა, რომ მათი ეფექტურობის დამადასტურებელი საკმარისი მტკიცებულება არ არსებობს.
მედიის ინფორმაციით, ბრაზილიას მსოფლიოში კორონავირუსით გარდაცვალების ყველაზე მაღალი მაჩვენებელი აქვს აშშ-ს შემდეგ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
