საქართველოს პრეზიდენტის რეზიდენციასთან, სამხედრო ნეიტრალიტეტის გამოცხადების მოთხოვნით აქცია მიმდინარეობს.

აქციის ორგანიზატორები და მონაწილეები ქვეყნის პრეზიდენტისგან სამხედრო ნეიტრალიტეტის გამოცხადებას და რუსეთის ფედერაციასთან დიპლომატიური გზით ურთიერთობის დალაგებას ითხოვენ.

როგორც „ექსპრესნიუსთან“ საუბარში ევრაზიული კავშირის დამფუძნებელმა და ხელმძღვანელმა არჩილ ჭყოიძემ განაცხადა, დღევანდელი აქციის მიზანია, საქართველოს პრეზიდენტმა გიორგი მარგველაშვილმა სამხედრო ნეიტრალიტეტი გამოაცხადოს.

„ჩვენ ვითხოვთ, რომ პრეზიდენტმა მარგველაშვილმა სამხედრო ნეიტრალიტეტი გამოცხადოს. ვითხოვთ, რომ საქართველო არ იყოს არცერთ სამხედრო ბლოკში გაწევრიანებული. ვითხოვთ, რომ უცხო ქვეყნის არც ერთი ბაზა არ იყოს საქართველოში და მათ შორის არც რუსეთის. აღდგეს რუსეთის ფედერაციასთან დიპლომატიური ურთიერთობები და ეს მშვიდობიანი გზით მოგვარდეს. თუ აქ დარჩა ნატო-ს საწვრთნელი ბაზები რუსეთის მხრიდან ადეკვატური პასუხი იქნება და ეს მთლიანად შეიძლება საქართველოს ოკუპაციით დამთავრდეს. საქართველოს პრეზიდენტმა სამხედრო ნეიტრალიტეტი უნდა გამოცხადოს“, - განაცხადა ჭყოიძემ.

აქციას ასევე უერთდება „ერეკლე მეორის საზოგადოება“. ისინი ტრანსპფარანტებით და შეძახილებით პრეზიდენტის ადმინისტრაციასთან მიემართებიან.

ადგილზე მობილიზებულია საპატრულო პოლიციის 10-მდე ეკიპაჟი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა