ნიკანორ მელიამ თქვა წმინდა წყლის ტყუილი - ასე ეხმაურება „ქართული ოცნების“ ლიდერი ირაკლი კობახიძე „ნაციონალური მოძრაობის“ ლიდერის, ნიკა მელიას განცხადებას, რომლის თანახმად მმართველ გუნდი ოპოზიციას მოლაპარაკების თაობაზე გამოეხმაურა.

მისი თქმით, ოპოზიციასა და მმართველ გუნდს შორის შეხვედრის ორგანიზება საერთაშორისი პარტნიორებს სურდათ.

„ნიკანორ მელიამ თქვა ტყუილი, რაც მას ზოგადად ახასიათებს და რაც არ არის ზოგადად კაცისთვის შესაქები საქციელი. მან თქვა, რომ თითქოს ჩვენ დავუკავშირდით ოპოზიციის წარმომადგენლებს, რაც არის წმინდა წყლის სიცრუე. მე და არჩილ თალაკვაძეს დაგვიკავშირდა ქალბატონი თინა ბოკუჩავა, ჩვენ მას ვუპასუხეთ, რადგან ის არის პარლამენტის წევრი. კომუნიკაციის შინაარსი იყო შემდეგი - მან გვთხოვა დღეს შეხვედრა არჩევნების თემასთან დაკავშირებით და განგვიმარტა შეხვედრის ფორმატიც. ჩვენ განვუმარტეთ, რომ ჩვენი ინფორმაციით, ჩვენს საერთაშორისო პარტნიორებს სურდათ შეხვედრის ორგანიზება მმართველ პარტიასა და ოპოზიციას შორის. ჩვენ ყოველთვის ანგარიშს ვუწევთ საერთაშორისო პარტნიორების მოწოდებას და ჩვენ ვთქვით, რომ დაველოდებოდით მათ პოზიციას. წინააღმდეგ შემთხვევაში ჩვენი ინიციატივა დღეს არანაირი შეხვედრის გამართვა არ ყოფილა. აქედან გამომდინარე, გაჟღერებული ინფორმაცია იყო ტყუილი“, - განაცხადა კობახიძემ.  

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე