პარტია "ქართული ოცნება - დემოკრატიული საქართველოს" აღმასრულებელი მდივანი, ირაკლი კობახიძე აჭარაში კოვიდ19-ის შემთხვევების მატებას „ნაციონალური მოძრაობის“ აქციას უკავშირებს.

როგორც კობახიძემ ბრიფინგზე აღნიშნა, ბათუმში ენმ-ს აქცია იყო დივერსიული აქტი და უპასუხისმგებლო პოლიტიკური პარტიის ქმედება, რომლის მიზანია პანდემიის გავრცელება.

„ბათუმში რაც მოხდა, ამას თავისუფლად შეიძლება ეწოდოს დივერსიული აქტი, მით უმეტეს რომ შედეგები არის უკვე სახეზე. ანუ დღეები რომ გადავთვალოთ, როდესაც მოხდა გაორმაგება ბათუმში შემთხვევების რაოდენობის, პირდაპირ ემთხვევა აქციასა და ვირუსის გავრცელებას შორის ვადები, შესაბამისად, ეს არ იყო შეგნებული დივერსიული აქტი, არ იყო უბრალოდ უპასუხისმგებლო პოლიტიკური პარტიის ქმედება, მიზანი იყო პანდემიის გავრცელება. მათ იმედი აქვთ, რომ მათ მიერვე გავრცელებული პანდემია რაღაცნაირად აისახება არჩევნების შედეგებზე, თუმცა კვლევები აჩვენებს იმას, რომ დივერსანტების წინააღმდეგ მცირდება მხარდამჭერთა რაოდეობა და არა იმ პარტიების მიმართ, რომლებიც ებრძვიან დივერსიას. სამწუხაროა, რაც მოხდა ბათუმში, გრძელდება სხვა რეგიონებში, რაც კიდევ ერთხელ მიანიშნებს, რომ მათთვის, ე.წ პოლიტიკოსებისთვის ადამიანების სიცოცხლე და ჯანმრთელობა არაფერს ნიშნავს", - განაცხადა ირაკლი კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post