2020-10-23 16:17:51, 554 ნახვა
სამართალი
შსს ავჭალაში მომხდარზე - გარდაცვლილი მარტო იმყოფებოდა
შსს-ს წარმომადგენელის, კახა მურადაშვილის განცხადებით, ავჭალაში მომხდარი მკვლელობისას, გარდაცვლილი მარტო იმყოფებოდა.
მისი ინფორმაციით, ავტომობილი, სადაც გარდაცვლილი იმყოფებოდა, გაჩერებულ მდგომარეობაში იყო.
„გარდაცვლილია ერთი ადამიანი, ამჟამად მიმდინარეობს ინტენსიური საგამოძიებო მოქმედებები, ადგილზე არიან ექსპერტ-კრიმინალისტები, რომლებიც იღებენ შესაბამის ზომებს. დამატებით განცხადებას მოგვიანებით გავავრცელებთ. გარდაცვლილის ვინაობა გაჟღერდება მოგვიანებით. სავარაუდოდ, გაჩერებული იყო მანქანა, როდესაც ესროლეს. მარტო იმყოფებოდა გარდაცვლილი“, - განაცხადეს შსს-ში.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
