ალექსანდრე ქართველიშვილისადმი მიძღვნილი ავიაკვირეულის ფარგლებში, დღეს, დავით აღმაშენებლის სახელობის ეროვნულ თავდაცვის აკადემიაში ფილმის - „ალექსანდრე ქართველიშვილი“  ჩვენება გაიმართა.

თავდაცვის სამინისტროს ინფორმაციით, ამერიკაში მოღვაწე ცნობილი ავიაკონსტრუქტორის ცხოვრებისა და მოღვაწეობის შესახებ საჯარო ლექცია „ალექსანდრე ქართველიშვილის საერთაშორისო საზოგადოების“ დამფუძნებელმა ლელა ქართველიშვილმა წაიკითხა. მან მსმენელებს ინფორმაცია ორგანიზაციის საქმიანობისა და მიზნების შესახებაც მიაწოდა. ლელა ქართველიშვილის თქმით, დღევანდელი ღონისძიება ხელს შეუწყობს ქართველი ავიაკონსტრუქტორის ოცნების განხორციელებას - ქართული სამხედრო ავიაციის განვითარებას.

ეროვნული თავდაცვის აკადემიის კაპიტნის საკარიერო სკოლის მსმენელები ავიაკონსრუქტორის მოღვაწეობის საზოგადოებისათვის დღემდე უცნობი დეტალებითაც დაინტერესდნენ.

„ალექსანდრე ქართველიშვილის საერთაშორისო საზოგადოება“ მომავალში, თავდაცვის უწყების წარმომადგენლებთან და სამხედრო მოსამსახურეებთან აშშ-ში მოღვაწე სხვა ცნობილი ქართველების საქმიანობის წარმოჩენის მიზნით, საგანმანათლებლო ხასიათის შეხვედრებს გეგმავს.

ალექსანდრე ქართველიშვილისადმი მიძღვნილი ავიაკვირეული 9 სექტემბერს გაიხსნა. კვირეულის ფარგლებში ღონისძიებები სხვადასხვა უწყებაში გაიმართა. იგეგმება ალექსანდრე ქართველის მემორიალური დაფისა და მისი სახელობის სკვერის გახსნა სახელმწიფო სამხედრო სამეცნიერო-ტექნიკურ ცენტრ „დელტას“ ტერიტორიაზე. ალექსანდრე ქართველიშვილისადმი მიძღვნილი კვირეული 19 სექტემბერს ალექსეევკის სამხედრო საავიაციო ბაზაზე, ქართული ავიაციის დღის აღნიშვნით დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი