ტაჯიკი ბიზნესმენების გატაცების საქმეზე დაკავებულ 3 პირს პატიმრობა შეეფარდა.

ბრალდებულების ადვოკატის თქმით, საქმეში არსებობს უამრავი ვიდეოჩანაწერი, თუმცა არც ერთი მათგანი არ ადასტურებს მისი დაცვის ქვეშ მყოფების მხრიდან დანაშაულის ჩადენას.

„საქმეში არსებობს უამრავი ვიდეოჩანაწერი, თუმცა არც ერთი მათგანი არ ადასტურებს მათი მხრიდან დანაშაულის ჩადენას. მე გეტყვით, რომ ამ ადამიანებს ჰქონდათ ბრალდებულების ვალი და როდესაც მოხდა ვალის მოთხოვნა იმისათვის, რათა აერიდებინათ ვალდებულება და არ გადაეხადათ, განახორციელეს ცრუ დასმენა თითქოს მათზე განხორციელდა შანტაჟი და ძალადობა“, - განაცხადა ადვოკატმა ტარიელ კაკაბაძემ.

პროკურორის განცხადებით, დაცვის მხარის პოზიცია, რომ ბრალდების მხარეს სისხლის სამართლის საქმეში არ მოეპოვება სათანადო მტკიცებულებები, სიცრუეა.

„დაცვის მხარის პოზიციას თითქოს ბრალდების მხარეს სისხლის სამართლის საქმეში არ მოეპოვება სათანადო მტკიცებულებები, რაც ცალსახად ადასტურებს თითოეული ბრალდებულის ბრალადშერაცხული დანაშაულის ქმედების ჩადებას არის სიცრუე“, - განაცხადა გრიგოლ ნინიაშვილმა.

ცნობისთვის, ტაჯიკი ბიზნესმენების გატაცების საქმეზე დაკავებულია მეოთხე პირიც, რომელიც გუშინ დააკავეს და მას ბრალს დღეს წარუდგენენ ბრალს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"