ქუთაისში კორონავირუსით ინფიცირებული პაციენტების მკურნალობაში კლინიკა „ბომონდი“ ჩაერთო

2020-09-14 10:19:40, 1621 ნახვა

რეგიონი

ქუთაისში კორონავირუსით ინფიცირებული პაციენტების მკურნალობაში კლინიკა „ბომონდი“ ჩაერთო.

დადასტურებული „კოვიდ-19“-ის დიაგნოზით სტაციონარში გვიან ღამით 11 პაციენტი მოათავსეს.

პაციენტებიდან ოთხი ზრდასრულია, ხოლო შვიდი ბავშვია. ინფიცირებულებს შორის არის ორსული ქალბატონიც. 11 პაციენტიდან ათი ქუთაისის მკვიდრია, ხოლო ერთი არასრულწლოვანი კლინიკაში ქობულეთიდან გადაიყვანეს. ამ დროისთვის ინფიცირებულებს შესაბამისი კვლევები უტარდებათ.

კლინიკა „ბომონდში“ კორონავირუსით ინფიცირებული პაციენტების სამკურნალოდ შესაბამისი სამედიცინო ინფრასტრუქტურითა და ბოქსირებული პალატებით აღჭურვილი ერთი კორპუსი გამოიყო. აღნიშნულ კორპუსს სპეციალურად გადამზადებული პერსონალი ემსახურება. კლინიკის სხვა ნაწილში გეგმური თუ გადაუდებელი აუცილებლობით შემოსული პაციენტების მომსახურება ჩვეულ რეჟიმში ხორციელდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,