ფოთის მუნიციპალიტეტის ყველა საჯარო სკოლასა და სააღმზრდელო დაწესებულებაში ახალი სასწავლო წელი საზეიმო ვითარებაში დაიწყო.

ფოთის მერი ირაკლი კაკულია, საკრებულოს თავმჯდომარე ალექსანდრე თოფურია, რესურსცენტრის დირექტორი გოჩა ქორქია მე–6 ,მე–2,მე–12 და მე– 5 საჯარო სკოლებს ეწვივნენ და მოსწავლეებს, პედაგოგებსა და მშობლებს ახალი სასწავლო წლის დაწყება მიულოცეს.

„ძვირფასო პედაგოგებო, მოსწავლეებო, სტუდენტებო მთელი გულით გილოცავთ ახალი სასწავლო წლის დაწყებას.

ყოველი ახალი სასწავლო წელი არის თქვენს ცხოვრებაში ახალი და კიდევ ერთი საინტერესო პერიოდის , ახალი ცოდნისა და გამოცდილების შეძენის დასაწყისი.

გამორჩეულად ვულოცავ დღევანდელ დღეს ჩვენს პირველკლასელებსა და პირველკურსელებს–მათთვის ხომ დღევანდელი დღე სრულიად ახალი ეტაპის დასაწყისია. მინდა მივულოცო ეს დღე მშობლებს და ვუსურვო მათ იმედების გამართლება.

მე განსაკუთრებით მიხარია, რომ ჩვენმა ხელისუფლებამ უკვე შეძლო გარკვეულწილად ხელი შეეეწყო ჩვენი შვილებისათვის სკოლებსა და უმაღლეს სასწავლებლებში უკეთესი პირობების შექმნის თვალსაზრისით. ეს მხოლოდ ნაწილია და დასაწყისია იმ სასიკეთო ცვლილებებისა, რაც ჩვენ ჩვენი შვილების განათლებისთვის უნდა განვახორციელოთ. ჩვენ მათ უნდა მივცეთ ყველა საშუალება, უნდა შევუქმნათ ყველა პირობა, რათა ხარისხიანი განათლება მიიღონ და ამაში ჩავდებთ მთელ ძალისხმევას“, –აღნიშნა სიტვით გამოსვლისას ქალაქის მერმა.

შეგახსენებთ, რომ საქართველოს განათლებისა და მეცნიერების სამინისტრომ ფოთის მე-6 საჯარო სკოლის შენობის ფასადისა და გადახურვის რეაბილიტაციისთვის 160 ათასი ლარი გამოყო,ხოლო მე-8 საჯარო სკოლისთვის 175 ათასი .

ამჟამად , სკოლის შენობის სახურავი განახლებულია, მთლიანად შეიცვალა ხის კონსტრუქციები და ძველი თუნუქის ფურცლების ნაცვლად, მეტალოკრამიტით დაიფარა სახურავი. შეიცვალა ძირითადი კორპუსის შესასვლელი კარებები. მოეწყო შენობის გარშემო სარინალი (სარტყელი).

ფოთში სულ 11 საჯარო და 3 კერძო სკოლაა. წელს ფოთის საჯარო სკოლაში 480 პირველკლასელი მივიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა