ბაშარ ასადის რეჟიმისადმი რუსეთის სამხედრო დახმარება კრახისთვის არის განწირული, - ამის შესახებ ამერიკის შეერთებული შტატების პრეზიდენტმა ბარაკ ობამამ განაცხადა.

მისი თქმით, სირიის ომში რუსეთის სამხედრო ჩარევა ცხადყოფს, რომ ბაშარ ასადის რეჟიმი სერიოზულ პრობლემებს განიცდის და ამიტომ რუს სამხედრო მრჩევლებს დახმარებისთვის მიმართა.

ობამას თქმით, რუსეთის სამხედრო ჩარევა სირიის სამხედრო კონფლიქტის პოლიტიკურ მოგვარებას შეუშლის ხელს. 

ცნობისთვის, პენტაგონის სადაზვერვო თანამგზავრებმა სირიაში რუსეთის სატრანსპორტო თვითმფრინავების გააქტიურება დააფიქსირა. ამერიკის თავდაცვის უწყების ინფორმაციით, რუსეთმა სირიაში დამატებითი სამხედრო ტექნიკა და სამხედრო ძალა გადაისროლა.

შეგახსენებთ, რომ სირიაში 2011 წლიდან სამოქალაქო ომი მიმდინარეობს. ომს 230 ათასი ადამინის სიცოცხლე შეეწირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს