საქართველოში მულტინაციონალური გერმანული კორპორაციის წარმომადგენლობა გაიხსნება

2015-09-10 15:57:23, 662 ნახვა

საზოგადოება

გერმანული მულტინაციონალური კორპორაცია საქართველოში წარმომადგენლობას გახსნის. ეს გადაწყვეტილება საქართველოს ეკონომიკისა და მდგრადი განვითარების მინისტრის, დიმიტრი ქუმსიშვილისა და “SAP Labs China”-ს აღმასრულებელი დირექტორის, კლას ნოიმანდის შეხვედრის შემდეგ გახდა ცნობილი. შეხვედრა დალიანში, მსოფლიო ეკონომიკური ფორუმის ფარგლებში გაიმართა.

ეკონომიკის სამინისტროს ინფორმაციით, დიმიტრი ქუმსიშვილმა კლას ნოიმანდს საქართველოში არსებული ბიზნეს-გარემო გააცნო და ქვეყანაში მიმდინარე ეკონომიკურ პროექტებზე ესაუბრა. როგორც მინისტრმა აღნიშნა, წარმომადგენლობის გახსნა ორივე მხარისთვის მომგებიანი და საინტერესო იქნება.

ინფორმაციისთვის: SAP არის გერმანული კორპორაცია, რომელსაც აქვს რეგიონალური წარმომადგენლობა მსოფლიოს 130 ქვეყანაში. კორპორაციის შემოსავალი შეადგენს 17,56 მილიარდ ამერიკულ დოლარს. 2014 წლის მონაცემებით, კორპორაციაში 74,400 ადამიანია დასაქმებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან