2020-08-19 12:43:58, 16755 ნახვა
ომი უკრაინაში
ბათუმის ბულვარში განთავსდება ორი კარავი, სადაც მოქალაქეებს ნებაყოფლობითი ტესტირება შეეძლებათ
დაავადებათა კონტროლის ცენტრის ხელმძღვანელის, ამირან გამყრელიძის ინფორმაციით, ბათუმის ბულვარში ორი კარავი დაიდგმება, სადაც მოქალაქეები კორონავირუსზე ტესტირებას შეძლებენ.
მისი თქმით, აღნიშნული ტესტირებით გაირკვევა, რამდენად ტრიალებს რეგიონში ვირუსი.
„დიდი ალბათობით, ხვალიდან მოხდება აღწერა, რამდენი ღამის კლუბი, ბუნგალოა აჭარაში და ყველას სავალდებულო ტესტირება დაიწყება. ასევე, ვმუშაობთ საკითხზე, რომ ბათუმის ბულვარში დაიდგას ორი კარავი და ნებაყოფლობით შევთავაზოთ ადამიანებს ტესტირება, რადგან გვქონდეს ინფორმაცია, ტრიალებს თუ არა აჭარის რეგიონში ინფექცია“, – განაცხადა გამყრელიძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
