2020-07-31 15:18:40, 3725 ნახვა
კომენტარი
კობახიძე - მიუღებელია ნებისმიერი განცხადება, რომელიც მართლმსაჯულების დამოუკიდებლობას ეწინააღმდეგება
მიუღებელია ნებისმიერი განცხადება, რომელიც მართლმსაჯულების დამოუკიდებლობას ეწინააღმდეგება, - ასე გამოეხმაურა საპარლამენტო უმრავლესობის წევრი ირაკლი კობახიძე გიორგი რურუას განაჩენთან დაკავშირებით გაკეთებულ განცხადებებს.
მისივე თქმით, ხელისუფლებისთვის ამოსავალი წერტილი არის ხელისუფლების დანაწილების პრინციპი.
„ჩვენ გულდაწყვეტით უნდა ვთქვათ, რომ აბსოლუტურად მიუღებელია ჩვენთვის ნებისმიერი ისეთი განცხადება, რომელიც პირდაპირ ეწინააღმდეგები როგორც ხელისუფლების დანაწილებას, ასევე მართლმსაჯულების დამოუკიდებლობას. შესაბამისად, მხოლოდ ასეთი კომენტარი შეგვიძლია გავაკეთოთ შესაბამის განცხადებებზე, რომელიც კეთდება კონკრეტული უცხოელი პოლიტიკოსების მხრიდან რურუას საქმესთან დაკავშირებთ", - განაცხადა კობახიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
