საქართველოს ჩემპიონატის, „ეროვნული ლიგის“ გუშინდელ მატჩში საფეხბურთო კლუბ „სამტრედიის“ ლეგიონერმა, აზერბაიჯანელმა ნიჯატ ყურბანოვმა თბილისი „მერანთან“ გოლის გატანა სპეციალური ჟესტით აღნიშნა, რითაც გოლი მის დაღუპულ თანამემამულეებს მიუძღვნა.

ყურბანოვის პირველ კომენტარს „სამტრედიის“ ოფიციალურ გვერდზე ვკითხულობთ - „ამ ჟესტით გოლი მივუძღვენი ყველა ჩემს თანამემამულეს, რომლებიც ომის დროს დაიღუპნენ. ახლა მათი ოჯახის წევრები და ახლობლები მძიმე სიტუაციაში არიან და მსურდა მათთვის თანადგომა გამომეცხადებინა“.

შეგახსენებთ, რომ ფიფას და უეფას რეგულაციებით საფეხბურთო მატჩის დროს პოლიტიკური ჟესტის გამოყენება იკრძალება, რის გამოც ადრეც დასჯილან ფეხბურთელები, მსგავსი აღნიშვნის გამო.

რაც შეეხება სიტუაციას სომხეთსა და აზერბაიჯანს შორის, საომარი სიტუაციები ყოველ დღე მწვავდება, რასაც დაშავებულთა და გარდაცვლილთა რიცხვის ზრდაც მოჰყვა.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი