მის ადგილას ასე ირონიულად არ შევხედავდი, - ასე აფასებს პარტია „სამართლიანობისთვის“ ლიდერი ეკა ბესელია პარლამენტის ყოფილი თავმჯდომარის, ირაკლი კობახიძის განცხადებას 20 ივნისს დაგეგმილ აქციასთან დაკავშირებით.

როგორც ბესელიამ აღნიშნა, კობახიძის უპასუხისმგებლობამ და მისმა გაუზრებელმა ქმედებამ, 20 ივნისს პარლამენტი მართლაც „ცეცხლის ალში გაახვია“.

„რადგან ვერ ვეწევით მის ფართო დიაპაზონს, რომელსაც ის კომენტარებში გამოხატავს, ალბათ, უმჯობესია შევხედოთ ამას იუმორით. 20 ივნისზე სერიოზულად რომ ვისაუბრო, არ შევხედავდი მის ადგილას ასე ირონიულად, რადგან ეს არის ის დღე, როდესაც პარლამენტის თავმჯდომარის უპასუხისმგებლობამ და მისმა გაუზრებელმა ქმედებამ პარლამენტი მართლაც „ცეცხლის ალში გაახვია“. კინაღამ ქვეყანაში გამოიწვია უმძიმესი პოლიტიკური რყევები. ამ პასუხისმგებლობას ერთი წლის თავზე ხელისუფლება უნდა იაზრებდეს“, - განაცხადა ეკა ბესელიამ.

ცნობისთვის, საპარლამენტო უმრავლესობის ლიდერმა ირაკლი კობახიძემ გუშინ ჟურნალისტებს განუცხადა, რომ „200 „ნაციონალის“ შეკრება არ არის პრობლემა არც პოლიტიკური, არც პანდემიის კუთხით. გარკვეულ სოციალურ დისტანციას ალბათ, დაიცავენ, თავებიც შეგვიძლია, დავთვალოთ , - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია