ნავთობპროდუქტებით ზღვის დაბინძურების გამო, კუკის კუნძულების დროშის ქვეშ მცურავი გემი დაჯარიმდა

2015-08-26 11:13:20, 873 ნახვა

სამართალი

გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოსა და სასაზღვრო პოლიციის თანამშრომლებმა, კუკის კუნძულების დროშის ქვეშ მცურავი გემის “BERKAY N” მიერ, ნავთობპროდუქტებით ზღვის დაბინძურების ფაქტი გამოავლინეს.

გარემოსდაცვითი ზედამხედველობის დეპარტამენტის ინფორმაციით, ბათუმის საქალაქო სასამართლოს მიერ გემის კაპიტანს თურქეთის მოქალაქეს დაეკისრა ჯარიმა 65 ათასი ლარის ოდენობით. ასევე, მიმდინარეობს გარემოსთვის მიყენებული ზიანის დადგენა.

გემი საქართველოს ტერიტორიულ წყლებს ჯარიმის სრულად გადახდის შემდეგ დატოვებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან