აშშ-ში, პროტესტებისა და არეულობის დროს, რომელიც აფროამერიკელი ჯორჯ ფლოიდის გარდაცვალებით არის გამოწვეული, ჟურნალისტებზე 280-მდე თავდასხმა განხორციელდა.

„U.S. Press Freedom Tracker"-ის მონაცემებით, 26 მაისიდან 3 ივნისის ჩათვლით, თავდასხმის 279 შემთხვევა ფიქსირდება. 45 შემთხვევაში ჟურნალისტები დააკავეს, ხოლო 40 შემთხვევაში დაზიანებულია სტუდიები და ინვენტარები. 

ამასთანავე, იყო თავდასხმის 180 შემთხვევა, მათგან 149 პოლიციის მხრიდან. პორტალმა დაითვალა 67 შემთხვევა, როდესაც გამოყენებული იქნა ძალა, აქედან 42 შემთხვევაში ძალადობდა პოლიცია, 23 შემთხვევაში კი თავდასხმისას გამოყენებული იქნა ცრემლსადენი გაზი. 69 შემთხვევაში კი, გამოიყენეს რეზინის ტყვიები.

შეგახსენებთ, მინეაპოლისსა და ამერიკის სხვადასხვა შტატებში საპროტესტო გამოსვლები 46 წლის აფროამერიკელი ჯორჯ ფლოიდის გარდაცვალების შემდეგ დაიწყო. ჯორჯ ფლოიდი მიმდინარე კვირის დასაწყისში მინეაპოლისში პოლიციის მხრიდან ფიზიკური ძალადობის შედეგად გარდაიცვალა. მომხდარის გამოძიების ფარგლებში უფლებამოსილება პოლიციის ოთხ ოფიცერს შეუჩერდა, რომელთაგან ერთ-ერთი 29 მაისს დააკავეს და მკვლელობაში წაუყენეს ბრალი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს